2023 және одан кейінгі жылдарға енгізу жоспарланған тұрақты дамудың толық интеграцияланған корпоративтік стратегиясы әзірлену сатысында. Бұл стратегия компанияның тұрақты даму саласындағы мақсаттарын қамтиды. Оның ішінде компания қызметінің барлық экологиялық, әлеуметтік және басқарушылық (ESG) аспектілері озық практика мен халықаралық стандарттарға негізделеді.

Компания декарбонизацияның жаһандық қағидаттарын ұстанады және 2060 жылға дейін көміртегі бейтараптығына қол жеткізу тұжырымдамасы аясында 2023-2032 жылдарға арналған Төмен көміртекті даму бағдарламасын енгізуді жоспарлап отыр. Бағдарлама корпоративтік басқарудың ажырамас бөлігіне айналады және компанияның көміртегі ізін азайту саласындағы қызметін жүйелейді. Төмен көміртекті күн тәртібін ағымдағы және перспективалық қызметке енгізу парниктік газдар шығарындыларын азайтуға ықпал етеді және компанияның тұрақты дамуын қолдайды. Қысқа мерзімді перспективада компания ESG тәуекелдеріне компанияның тұрақтылығын өлшейтін ESG рейтингін алуды жоспарлап отыр.

Көміртегі шығарындыларын азайту бастамалары

• Көміртегі аз шығатын заманауи үнемді әуе кемелері паркі;
• Экологиялық пайдалану практикасы енгізілуде;
• Ұшақтардың модификациясы отынды пайдалану тиімділігін арттыруға мүмкіндік береді (мысалы, шарклеттер);
• Ұшқыштарды отын-тиімді ұшуларға үйрету.

Көміртегі шығарындыларын үздіксіз азайту (коммерциялық жолаушы-километрге)

Компания CO2 шығарындылары мен энергия тұтыну көрсеткіштерін төмендету бойынша жұмыс істейді. 2019-2021 жылдар аралығында екі көрсеткіш те төмендеді:

Электр және жылу энергиясы-авиация қызметінің барлық салаларында пайдаланылатын энергия ресурстарының екі негізгі түрі. Air Astana тұрақты түрде оларды тұтынуды оңтайландыруға тырысады. Пандемиядан туындаған белгісіздік жағдайында жоспарланған энергия тұтынуды азайту жобалары кейінге қалдырылды. Алайда компания болашақта энергия тұтынуды азайту бойынша жұмысты жалғастыруды жоспарлап отыр.