ҚМГ-ның 2028 жылға дейінгі даму стратегиясында тұрақты дамуы - компанияның түйінді бизнес-процестерге, операциялық қызметке және шешімдер қабылдау процестеріне интеграциялайтын стратегиялық мақсаттарының бірі.

«ҚазМұнайГаз» ҰК АҚ жыл сайын 14 жыл бойы тұрақты даму саласындағы өз қызметі туралы есеп беріп отыр, ал 2012 жылдан бастап есептілікті жаһандық есептілік бастамасына (Global Reporting Initiative - GRI) сәйкес жариялап келеді.

Сондай-ақ көміртегі ізін азайту саласындағы негізгі тәсілдер мен шараларды жүйелеу мақсатында компания 2022-2031 жылдарға арналған төмен көміртекті даму бағдарламасын әзірледі. 2031 жылға қарай СО2 тікелей және жанама шығарындыларын 15%-ға төмендету; өндірістің көміртегі мен энергия сыйымдылығын кемінде 10%-ға төмендету, жалпы қуаты кемінде 300 МВт ЖЭК жобаларын іске асыру басымдыққа айналады.

Sustainalytics халықаралық агенттігі тұрақты даму саласындағы ҚМГ тәуекел-рейтингісінің көрсеткішін 34,5-тен 28,4 балға дейін жақсартты. Бұл компанияның халықаралық мұнай-газ нарығында ESG елеулі тәуекелдерін сәтті басқаратынын дәлелдейді.

ҚМГ-ның ESG-рейтингі ықтимал 100 балдан 69-дан 72 балға дейін көтерілді. ESG-рейтингінің құрамдас бөліктері бойынша ҚМГ мынадай баға алды: экологиялық құрамдас бөлік 69-дан 74-ке дейін, әлеуметтік құрамдас бөлік 70-тен 72-ге дейін, корпоративтік басқару 67-ден 72 балға дейін көтерілді. Бұл сондай-ақ компанияның әлемдік мұнай-газ компаниялары арасындағы тұрақты даму саласындағы жоғары көрсеткіштерін көрсетеді.

ESG күн тәртібін енгізу нәтижесінде компания қол жеткізген нәтиже - атмосфераға CO2 және CH4 шығарындыларының үдемелі төмендеуі.

ҚМГ-қосылған құнды құру тізбегінің барлық кезеңдерінде толық интеграцияланған Қазақстанның мұнай-газ саласының ұлттық көшбасшысы. Мұнай-газ саласының ұлттық көшбасшысы және тігінен интеграцияланған компания бола отырып, ҚМГ ұзақ мерзімді тұрақты даму үшін тұрақты платформаға ие. Компанияның активтеріне барлау, өндіру, тасымалдау, қайта өңдеу және маркетингтен тұратын көмірсутектердің қосылған құнын құру тізбегінің толық циклі кіреді. Компания Қазақстан мен Румыния аумағында жұмыс істейді.

ҚМГ бойынша негізгі ақпарат:

• Мұнай өндіру, тасымалдау және өңдеу бойынша Қазақстандағы №1;

• Қазақстанда мұнай мен конденсат өндірудің 25%-ы тиесілі;

• Барлық мұнай өңдеу зауыттарындағы ҚМГ нарығының үлесі - 82%;

• Мұнай тасымалдау нарығында - 56%.

1. Құн жасау тізбегінің барлық кезеңдерінде толық интеграцияланған мұнай-газ саласының ұлттық көшбасшысы;

2. ESG және тұрақты даму саласындағы әлемдік тәжірибенің үздік үлгілерін қатаң ұстану;

3. Өсудің тартымды әлеуеті бар және әлемнің ірі кен орындарына қатысатын өндіру бойынша жоғары сапалы активтер портфелі;

4. Ақша ағынын инфрақұрылымдық активтерге ұқсас және одан әрі өсудің елеулі әлеуетіне ие болатын Қазақстан мұнайын тасымалдау секторын бақылау;

5. Негізгі нарықтарда үстем позицияларды қамтамасыз ететін мұнай өңдеу жөніндегі толық жаңғыртылған платформа;

6. Іске асырылған инвестициялардың жоғары деңгейі бар өндірістік активтер базасында бос ақша ағындарын генерациялау есебінен акционерлер кірістілігінің елеулі әлеуеті;

7. Корпоративтік басқарудың жоғары стандарттары және халықаралық капитал нарықтарына көпжылдық қатысу;

8. Салада орта есеппен 20 жылдан астам жұмыс тәжірибесі бар компания басшылығы;

9. Жетекші халықаралық интеграцияланған компаниялармен әріптестікте іске асырылатын әлемдік деңгейдегі жобалар.

Компанияның тұрақты қаржылық профилі тұрақты ақша ағындарын қамтамасыз етеді. Соңғы 5 жылда компания дивидендтер түрінде 251 млрд теңге төледі. Орташа жылдық төлем коэффициенті таза пайданың 6,7%-ын құрайды.

Соңғы 6 жылда жалпы қарыз көрсеткіші тұрақты төмендеуді көрсетті.

* Жалпы қарызға облигациялар мен қарыздар кіреді (қысқа мерзімді және ұзақ мерзімді). Берілген кепілдіктер есепке енгізілмеген

EBIDTA 2017 жылдан 2021 жылға дейін оң динамиканы көрсетті.

*** EBITDA: түсім плюс бірлескен кәсіпорындар мен қауымдасқан компаниялар кірістеріндегі үлес, нетто, сатып алынатын мұнай, газ, мұнай өнімдері мен өзге де материалдардың өзіндік құнын шегеру, өндірістік шығыстарды шегергенде, жалпы және әкімшілік шығыстарды шегергенде, тасымалдау және өткізу жөніндегі шығыстарды шегергенде, табыс салығынан басқа салықтарды шегергенде.

Таза пайда мен бос ақша ағымының көрсеткіштері соңғы 5 жылда тұрақты өсуді көрсетті. Ерекшелік - 2020 жыл.

** 2021 және 2020 жылдардағы деректер «ҚазТрансГаз» АҚ («QazagGaz» ҰК АҚ) акцияларының 100%-ын «Самұрық-Қазына» АҚ-ның пайдасына 2021 жылғы 9 қарашада беруді ескере отырып көрсетілген.